Showing posts with label Facebook. Show all posts
Showing posts with label Facebook. Show all posts

Friday, June 21, 2013

AlQuran : We Must Testify you



الم ۔أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ۔وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ۔ (العنکبوت: 1۔3)

”الف، ل، م۔ کیا لوگوں نے یہ سمجھ رکھا ہے کہ وہ بس اتنا کہنے پر چھوڑ دیئے جائیں گے کہ ”ہم ایمان لائے“ اور ان کو آزمایا نہ جائے گا! حالانکہ ہم سب لوگوں کی آزمائش کر چکے ہیں جو ان سے پہلے گزرے ہیں۔ اللہ کو تو ضرور یہ دیکھنا ہے کہ سچے کون ہیں اور جھوٹے کون“۔  

Enhanced by Zemanta

Wednesday, May 22, 2013

والدین کے فوت ہونے کے بعد اولاد کا فریضہ


والدین کے فوت ہونے کے بعد اولاد کا فریضہ
ابو اسید ساعدی رضی اللہ عنہ بیان کرتے ہیں ایک دفعہ کا ذکر ہے کہ ہم رسول اللہ صلی اللہ علیہ وسلم کے پاس بیٹھے تھے۔ آپ صلی اللہ علیہ وسلم کے پاس بنو سلمہ سے ایک شخص آیا۔ اس نے دریافت کیا اے اللہ کے رسول صلی اللہ علیہ وسلم! کیا میرے والدین کے فوت ہونے کے بعد کوئی ایسا نیک کام ہے جو میں اپنے والدین کے لیے کر سکوں؟ آپ صلی اللہ علیہ وسلم نے فرمایا ہاں، والدین کے لئے دعا کرنا، ان کے لیے بخشش کی دعا مانگنا ، ان کے بعد ان کے وعدوں کو پورا کرنا، ان کے رشتہ داروں کے ساتھ صلہ رحمی کرنا اور ان کے دوستوں کی عزت کرنا۔
(ابو داؤد، ابن ماجہ)
 

ہر انسان کی خواہش ہوتی ہے کہ وہ اپنے مرحوم والدین کے لیے کوئی ایسی نیکی کرے جو ان کے لیے راحت کا سبب بن جائے ۔ اس سلسلے میں وہ ہر اس کام کو کر گزرتا ہے جو اسے بتایا جائے لیکن جب تک کوئی کام سنت نبوی صلی اللہ علیہ وسلم کے مطابق نہ ہو اس پر ثواب مرتب نہیں ہوتا۔ رسول اللہ صلی اللہ علیہ وسلم نے حضرت ابو اسید رضی اللہ عنہ کے سوال کے جواب میں فرمایا اگر تم اپنے والدین کے مرنے کے بعد ان کے لئے... کچھ کرنا چاہتے ہو تو ان کے لئے رحمت کی دعا کرو۔ بہترین دعا وہ ہے جو قرآن پاک بیان کرتا ہے کہ " رَبِّ ارْحَمْهُمَا كَمَا رَبَّيٰنِيْ صَغِيْرًا"اس کے علاوہ ان کے لئے بخشش کی دعا کرو ہر وقت اپنے والدین کے لیے اللہ سے دعا کرتے رہنا چاہیے کہ اے اللہ! میرے والدین کی بشری لغزشوں کو معاف کر دے۔ اللہ تعالیٰ معاف کرنے پر قادر ہے اور جو وعدے انہوں نے اپنی زندگی میں کسی سے کئے تھے انہیں پورا کیا جائے۔ وعدہ بھی بندوں کا قرض ہے اگر وعدہ پورا نہ کیا جائے تو اللہ تعالیٰ بھی معاف نہیں کرتا لہذا اگر اولاد کو پتہ چل جائے کہ ہمارے والدین میں سے کسی ایک نے یا دونوں نے کسی سے کوئی وعدہ کیا ہے تو اسے پورا کیا جائے۔ اس سے والدین کو راحت ہو گی اور رشتہ داروں کے ساتھ حسن سلوک کریں۔ اپنے والدین کے رستہ داروں کے ساتھ ناراضگی کا اظہار نہ کرے اور اس تعلق کو قائم رکھے جسے والدین نے قائم رکھا تھا اس تعلق کی بنا پر والدین کو قبروں میں راحت ہو ی اور اپنے والد کے دوستوں اور ماں کی سہیلیوں کی عزت کرے یہ وہ کام ہیں جن پر عمل پیرا ہو کر انسان اپنے والدین کے لئے مرنے کے بعد بھی بھلائی کا سبب بنتا ہے

Enhanced by Zemanta

Tuesday, May 21, 2013

AlQuran: And do not mix the truth with falsehood





 وَلَا تَلْبِسُوا الْحَقَّ بِالْبَاطِلِ وَتَكْتُمُوا الْحَــقَّ وَاَنْتُمْ تَعْلَمُوْنَ ۝ وَاَقِيْمُوا الصَّلٰوةَ وَاٰتُوا الزَّكٰوةَ وَارْكَعُوْا مَعَ الرّٰكِعِيْنَ

And do not mix the truth with falsehood or conceal the truth while you know (it). And establish prayer and give zakah and bow with those who bow (in worship and obedience).
 

اور حق کو باطل کے ساتھ خلط ملط نہ کرو اور جانتے بوجھتے ہوئے حق کو نہ چھپاؤ۔ اور نماز قائم کرواور زکاة ادا کرو اور رکوع کرنے والوں کے ساتھ رکوع کرو۔
[Al-Quran 2:42-43
 
۝
Enhanced by Zemanta

Friday, May 17, 2013

AlQuran: ”جن لوگوں نے کہا کہ اللہ ہمارا رب ہے اور پھر وہ اس پر ثابت قدم رہے

”جن لوگوں نے کہا کہ اللہ ہمارا رب ہے اور پھر وہ اس پر ثابت قدم رہے ، یقینا ان پر فرشتے نازل ہوتے ہیں اور ان سے کہتے ہیں کہ ” نہ ڈرو، نہ غم کرو اور خوش ہوجاﺅ اس جنت کی بشارت سے جس کا تم سے وعدہ کیا گیا ہے۔ہم اس دنیا کی زندگی میں بھی تمہارے ساتھی ہیں اور آخرت میں بھی، وہاں جو کچھ تم چاہو گے تمہیں ملے گا اور ہر چیز جس کی تم تمنا کرو گے وہ تمہاری ہوگی، یہ ہے سامان ضیافت اس ہستی کی طرف سے جو غفور و رحی...م ہے اور اس شخص کی بات سے اچھی بات اور کس کی ہوگی جس نے اللہ کی طرف بلایا اور نیک عمل کیا اور کہا کہ میں مسلمان ہوں۔“
اور اے نبی ، نیکی اور بدی یکساں نہیں ہیں۔تم بدی کو اس نیکی سے دفع کرو جو بہترین ہو۔ تم دیکھو گے کہ تمہارے ساتھ جس کی عداوت پڑی ہوئی تھی وہ جگری دوست بن گیا ہے۔یہ صفت نصیب نہیں ہوتی مگر ان لوگوں کو جو صبر کرتے ہیںاور یہ مقام حاصل نہیں ہوتا مگر ان لوگوں کو جو بڑے نصیب والے ہیں اور اگر تم شیطان کی طرف سے کوئی اکتاہٹ محسوس کرو تو اللہ سے پناہ مانگ لو، وہ سب کچھ سنتا اور جانتا ہے۔“
 
(سورة الاحزاب، آیت: ۰۳ تا ۶۳)
Enhanced by Zemanta

Sunday, May 12, 2013

Hadith: There are five keys of the Unseen and no one knows them except Allah The Almighty...


 حضرت عبدللہ بن عمرؓ سے روایت ہے کہ رسالت مآب (صَلَّى اللَّهُ عَلَيْهِ وآلہ وَسَلَّم) نے فرمایا، غیب کی پانچ کنجیاں ہیں جنہیں اللہ تعالی کے سوا اور کوئی نہیں جانتا۔ کسی کو نہیں معلوم کہ کل کیا ہونے والا ہے، کوئی نہیں جانتا کہ ماں کے پیٹ میں کیا ہے کل کیا کرناہوگا، اس کا کسی کو علم نہیں۔ نہ کوئی یہ جانتا ہے کہ اسے موت کس جگہ آئے گی اور نہ کسی کو یہ معلوم کہ بارش کب ہوگی
...

[ صحیح بخاری, کتاب استسقاء، حدیث:1039 ]

Narrated Abdullah Bin Umar(ra) that Prophet (saww) said, there are five keys of the Unseen and no one knows them except Allah The Almighty: what will happen tomorrow, what will be in the wombs, when it will rain, at what place one will die and when the Hour will come.

[ Bukhari, Book Of Rain, Hadees:1039 ]
 
Enhanced by Zemanta

Thursday, May 2, 2013

Hadith: جمعہ کے دن اول وقت میں آنے والے کی فضیلت۔



   سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : جب جمعہ کا دن ہوتا ہے تو مسجد کے دروازوں میں سے ہر دروازہ پر فرشتے لکھتے ہیں کہ فلاں سب سے پہلے آیا، اس کے بعد وہ آیا، اس کے بعد وہ آیا، پھر جب امام منبر پر بیٹھ جاتا ہے تو سب فرشتے اعمال نامے لپیٹ دیتے ہیں اور آ کر خطبہ سننے لگتے ہیں۔ اور جو اول وقت آیا اس کے ثواب کی مثال ایسی ہے جیسے کوئی ایک اونٹ کی قربانی کرے۔ اس کے بعد جو آیا وہ ایسا ہے جیسے کوئی ایک گائے قربان کرے۔ اس کے بعد جو آئے وہ ایسے ہے جیسے مینڈھا قربان کرے۔ اس کے بعد جو آئے وہ ایسا ہے جیسے کوئی مرغی قربان کرے۔ اس کے بعد جو آئے وہ ایسا ہے جیسے کوئی ایک انڈہ اللہ کی راہ میں قربان کرے۔
مختصر صحیح مسلم
جمعہ کے مسائل
باب : جمعہ کے دن اول وقت میں آنے والے کی فضیلت۔



 
Enhanced by Zemanta

Saturday, April 13, 2013

قوم کیا پڑھ رہی ہے؟…شاہنواز فاروقی


  

  • پاکستان میں مطالعے کی صورت حال افسوس ناک حد تک خراب ہے۔ کتاب سے ہمارے تعلق کی نوعیت کا اندازہ اس بات سے کیا جاسکتا ہے کہ ہم پانچ ہزار روپے کے جوتے کو سستا اور دوسو روپے کی کتاب کو مہنگا کہتے ہیں۔ ہم لاکھوں اور کروڑوں روپے کے گھر بناتے ہیں اور ان میں زندگی کی تمام ضروریات کو جمع کرتے ہیں مگر ہمارے اتنے شاندار اور قیمتی گھروں میں کتب خانے کے لیے کوئی جگہ نہیں ہوتی۔ ایسا نہیں ہے کہ معاشرے میں مطالعے کا رحجان فنا ہو گیا ہے۔ ملک میں مطالعہ کرنے والے لوگ موجود ہیں مگر یہ لوگ ایک اقلیت ہیں اور یہ اقلیت مزید سکڑ رہی ہے۔ تاہم مطالعے کی صورت حال کا ایک حوصلہ افزاء اور سیکولر لوگوں کے نزدیک ’’سنسنی خیز پہلو‘‘ یہ ہے کہ قوم کتابوں اور کتابچوں کی صورت میں جو کچھ پڑھ رہی ہے اس کا 70 فیصد مذہبی مواد یا مذہبی لٹریچر پر مشتمل ہے۔ ایک انگریزی اخبار نے ملک کے سب سے بڑے شہر کراچی کے اردو بازار کے جائزے کے حوالے سے ایک رپورٹ میں بتایا ہے کہ پڑھے جانے والے مذہبی ادب میں سرفہرست سیرت طیبہؐ سے متعلق کتب ہیں۔ دوسرے نمبر پر حدیث اور فقہ سے متعلق کتب ہیں۔

    اس صورت حال کو دیکھا جائے تو کہا جاسکتا ہے کہ پاکستانی قوم کتنی مذہبی ہے۔ پاکستانی قوم کے بارے میں کہا جاتا ہے کہ وہ مذہب کے معاملے میں جذباتی ہے اور یہ بات درست ہے لیکن کتب بینی کا مذکورہ رحجان ثابت کررہا ہے کہ پاکستانی قوم مذہب کے بارے میں صرف جذباتی نہیں ہے بلکہ وہ اپنی مذہبیت کو علم سے آراستہ کرنے کی بھی زبردست خواہش رکھتی ہے۔ مذہبی علم سے رغبت جذبے کو شعور میں ڈھالنے کی ایک کوشش ہے۔ یہ پاکستانی قوم کے مذہبی شعور کا معیاری پہلو یا Qualitative Aspect ہے۔ پاکستانی قوم کے مذہبی شعور کا مقداری پہلو یہ ہے کہ پاکستان میں شائع ہونے والی کتب کا 70 فیصد مذہب سے متعلق ہے۔ بعض لوگوں کا خیال ہے کہ پاکستان میں مذہبی کتب زیادہ شائع اور فروخت ہورہی ہیں تو اس کی وجہ یہ ہے کہ پاکستان میں دینی مدارس کا ایک منظم نظام موجود ہے اور یہ بات ایک حد تک درست ہے۔ لیکن ہم نے مختلف کتب میلوں میں دیکھا ہے کہ لوگوں کی عظیم اکثریت مذہبی کتب شدت سے خرید رہی ہوتی ہے اور خریداروں میں دینی مدارس کے طلبہ کی تعداد نہ ہونے کے برابر ہوتی ہے۔ ویسے بھی دیکھا جائے تو ہمارے دینی مدارس کے طلبہ کی بہت بڑی تعداد کی مالی حالت خستہ ہوتی ہے اور وہ خرید کر کتب پڑھنے کے قابل نہیں ہوتی۔ چنانچہ اس سلسلے میں یہ قیاس زیادہ درست معلوم ہوتا ہے کہ مذہبی کتب کے زیادہ خریدار عام لوگ ہیں۔ البتہ یہ بات درست ہے کہ دینی کتب کے مطالعے میں دینی کتب کی کم قیمتوں کا بھی حصہ ہوتا ہے اور دینی کتب کی کم قیمتوں کا راز یہ ہے کہ وہ عام کتابوں کی نسبت زیادہ بڑی تعداد میں شائع ہوتی ہیں۔
    مذکورہ اخبار کی رپورٹ میں یہ بات تقریباً ’’انکشاف‘‘ کا درجہ رکھتی ہے کہ مذہبی کتب میں سے زیادہ فروخت ہونے والی کتابوں کا تعلق سیرت طیبہؐ سے ہے۔ سیرت طیبہؐ سے مسلمانوں کے تعلق کے دو پہلو ہیں۔ ایک یہ کہ مسلمانوں کو رسول ؐاللہ سے گہری عقیدت ہے اور عقیدت کا تعلق جان نثاری سے ہوتا ہے۔ چنانچہ پاکستان میں سیرتؐ سے متعلق کتب کی بڑے پیمانے پر فروخت سے معلوم ہوتا ہے کہ پاکستانی معاشرے کے پڑھے لکھے لوگ عقیدت اور یاد کی سطح پر رسول اکرمؐ کی ذات سے گہرا تعلق رکھتے ہیں۔ دوسری جانب اس صورت حال سے معلوم ہو رہا ہے کہ اگرچہ ہمارے معاشرے میں سیرت طیبہؐ کی اتباع کم ہے مگر اتباع کی خواہش بہرحال موجود ہے۔ ایسا نہ ہوتا تو سیرتؐ سے متعلق کتب بڑے پیمانے پر فروخت نہیں ہوسکتی تھیں اور یہ سیرت طیبہؐ سے ہمارے تعلق کا دوسرا پہلو ہے۔

    رپورٹ کے مطابق صحابہ کرام، مسلم جرنیلوں، مسلم، سائنسدانوں اور علماء کے بارے میں شائع ہونے والی کتب بھی بڑی تعداد میں فروخت ہوتی ہیں۔ اس اطلاع سے معلوم ہوتا ہے کہ ہماری قوم کے پڑھے لکھے طبقے کے اندر کچھ نہ کچھ تہذیبی اور تاریخی شعور بھی پایا جاتا ہے اور وہ ہماری روایت میں مذہب اور تہذیب نیز مذہب وتاریخ کے رشتے سے آگاہ ہے۔ تاریخی تناظر میں دیکھا جائے تو برصغیر کی ملت اسلامیہ کا یہ وصف خاص ہے کہ اس نے مسلمانوں کی تاریخ کو کبھی فراموش نہیں کیا اور اس نے دوسرے خطے کے مسلمانوں کے تاریخی تجربے کو بھی پوری امت کا تجربہ سمجھا ہے۔ اس کی سب سے بڑی مثال خلافت تحریک ہے۔ ترکی عربوں کا پڑوس ہے اور اسلام کا سورج عالم عرب سے طلوع ہوا تھا مگر جس وقت ترکی میں خلافت کا زوال ہورہا تھا اور پورا عالم عرب سویا پڑا تھا اس وقت برصغیر کے مسلمان نہ صرف یہ کہ بیدار تھے بلکہ وہ خلافت کو بچانے کے لیے ایک بڑی تحریک برپا کیے ہوئے تھے۔ یہ تحریک خلافت کو بچا نہیں سکتی تھی مگر برصغیر کی ملت اسلامیہ نے خلافت کے سلسلے میں اپنے رب کے حضور اپنے محبت اور جذبے کی گواہی پیش کردی۔ اگرچہ برصغیر کی ملت اسلامیہ نے برصغیر میں ایک جداگانہ تہذیبی تجربہ خلق کیا مگر برصغیر کی ملت کے انکسار کا یہ عالم ہے کہ وہ آج بھی اپنے تہذیبی تجربے کے سلسلے میں سند کے لیے عالم عرب کی طرف دیکھتی ہے۔ اس اعتبار سے دیکھا جائے تو پاکستان کے تعلیم یافتہ طبقے میںاپنی تہذیب اور تاریخ سے دلچسپی برصغیر کی ملت اسلامیہ کی طویل تاریخ ہی کا تسلسل ہے اور اس تسلسل کی موجودگی پر جتنا شکر کیا جائے کم ہے۔

    رپورٹ میں کہا گیا ہے کہ ایسے لوگ بھی موجود ہیں جو اوراد و وظائف کی کتب لاکھوں کی تعداد میں شائع کرکے مفت تقسیم کراتے ہیں۔ اورادو وظائف سے معاشرے کا شغف اس کی مذہبیت ہی کا ایک پہلو ہے۔ اس پہلو کا معاملہ یہ ہے کہ اورادو وظائف دین کی کلیت کا حصہ ہیں اور اگر انہیں دین کے جزو کے طور پر اختیار کیا جائے تو وہ فرد اور معاشرے کی دین داری میں اضافہ کا سبب ہوتے ہیں لیکن اگر معاشرہ اورادو وظائف کو کُل دین بنانے پر تل جائے تو یہ بات دین کی روح اور اس کی منشا کے منافی ہے۔ ہمارے معاشرے کی مذہبیت کا سب سے کمزور پہلو یہی ہے کہ ہمارے دین دار افراد کی بڑی تعداد دین کے پوری زندگی پر اطلاق کی قائل نہیں۔ ان لوگوں کا خیال ہے کہ دین عقاید، عبادات اور اخلاقیات کا مجموعہ ہے اور اس کا سیاست و ریاست علوم و فنون اور اس سے آگے بڑھ کر دین کی بنیاد پر ایک نیا تاریخی اور تہذیبی تجربہ خلق کرنے سے کوئی تعلق نہیں۔ لیکن معاشرے میں دین داری اور دینی ادب سے لوگوں کا شغف ایک بہت بڑی اطلاع ہے کیونکہ اس اطلاع سے معلوم ہوتا ہے کہ ہمارا معاشرہ اپنی نہاد میں ایک مذہبی معاشرہ ہے۔ صرف اس معاشرے کا تناظر بدلنے یا اسے بہتر بنانے کی ضرورت ہے۔
     

Enhanced by Zemanta

Wednesday, April 10, 2013

AlQuran: If ye had control of the Treasures of the Mercy of my Lord, behold

 
 
 
 
فرما دیجئے: اگر تم میرے رب کی رحمت کے خزانوں کے مالک ہوتے تو تب بھی (سب) خرچ ہوجانے کے خوف سے تم
 
 (اپنے ہاتھ) روکے رکھتے، اور انسان بہت ہی تنگ دل اور بخیل واقع ہوا ہے

Say: "If ye had control of the Treasures of the Mercy of my Lord, behold, ye would keep them back, for fear of spending them: for man is (every) niggardly!"

سورہ بنی اسرائیل آیت 100
Enhanced by Zemanta